"Әртүрлі деңгейдегі мәтіндік тапсырмаларды қолдану арқылы білім сапасындағы олқылықтардың орнын толтырудың жүзеге асырылуын зерттеу" тақырыбында көктемгі "Каникулдық мектеп" тақырыптық алаңдар (сессия) жұмысының қалалық вебинары өтті.

2021-2022 оқу жылының өзекті міндеттерінің бірі өткен оқу жылындағы білім алушылардың біліміндегі олқылықтарды анықтау және білімін толықтыру болып табылады. Әдістемелік нұсқау хат негізінде мектеп бойынша пән мұғалімдері жұмыс жоспарын құрып білім алушылардың біліміндегі олқылықтарды жою бойынша іс-шараларды жүйелі және жоспарлы түрде жүргізуде.
Ағымдағы жылдың 28 наурыз күні қалалық білім беруді дамытудың оқу-әдістемелік орталығының ұйымдастыруымен Шоқан Уәлиханов атындағы №10 орта мектеп- гимназиясында «Қолжетімді мақсат» жобасы аясында: "Әртүрлі деңгейдегі мәтіндік тапсырмаларды қолдану арқылы білім сапасындағы олқылықтардың орнын толтырудың жүзеге асырылуын зерттеу" тақырыбында көктемгі "Каникулдық мектеп" тақырыптық алаңдар (сессия) жұмысының қалалық вебинары өтті. «Қазақ тілі сабағында әр түрлі деңгейдегі мәтіндік тапсырмаларды қолдану арқылы оқушылардың біліміндегі олқылықтардың орнын толтыру» максаты бойынша қазақ тілі мен әдебиеті пәні мұғалімдері Э.Т Аужигитова «Мәтін бойынша жұмыста саралау тапсырмаларын қолданудың тиімділігі», тақырыбында, М.М.Жапакова «Оқушының шығармадан алған әсерін пайдалануда қолданылатын әдіс- тәсілдер» тақырып аясында және бастауыш сынып мұғалімі Э.С.Батеева «Бастауыш сыныптарда мəтін мазмұнын болжау» тақырыптарында оқушылардың біліміндегі олқылықтардың орнын толтырудағы өткен және ағымдағы оқу жылдарындағы қазақ тілі пәні сабақтарының оқу мақсаттарын кіріктіріп, қолданылған әдіс-тәсілдерімен бөлісті.
Білімдегі олқылықтарды жою және олардың орнын толтыру мәселесі бойынша қатысқан педагогтерге әдістемелік жағынан қолдау көрсетілді.